Something Deep

  Ka chhandamtu, nilengin Ka kiangah awm reng langin, Sual lakah min hum fo rawh, Thutak sawi min zirtir rawh. Thinlung thianghlim min pe la, Thihna ṭihbai thlen hunah; Isu, kei mi la ang che; I hming ka fak fo ang e, Amen. He tawngtaina hi mawi ka tih em avangin ka dah lut a ni

  Ka lo pian dan hi, a ṭobul inla hrelo ma ithei a, kan hrilh ang che u. Kum 2001 December ni 29 khan ka nu leh ka chhungte chu serthlum lo turin ka pu ser huanah an kal a. Ka nu chu rai ṭeuh chunga kal ve ngawt a nia. Huan an han thleng a, serthlum kung hmin ṭha deuh lai chu an en vang vang a, lawh tumin kawisapirin an kuai a, an lo tur chiah chu, kei a pum chhunga awm chuan, "Â! Ânu chu avan zi nasa angréng e min pai peih tawhlo mawni le", ka tia, ka thinrim lutuk chuan a pumah chuan ka pet ṭawk a. Tichuan min vei ta a.  Ama sawi dan tak phei chuan, "Serthlum ka phurh ve vang ania" atia. Mahse ka awihsak vak chuanglo a. "I eu nasa em anih kha" ka ti tlat a.   Zanah Damdawiinah min kalpui a, a tuk 2001, December ni 30, Sunday ni dar 10 leh minute 30 leh second 48 vel khan. He khawvel ah hian ka rawn dak ve heu mai ani. Reilote kha chu ka thinrim lutuk vang khan ka ṭap ve ani awm e.

  Takna chu thu (word) piahah hian a awm Dawithiam pawisa duh hun huna pawisa dawichhuak thei kha khawvela mi hausa ber a nih reng kan hre lova Khawvela rilru chak ber pawh khawvela lehkha thiam ber a nih lem kan hrelo Lehkhabu chhiar hnem ber kha a inchhiar zau ber a ni lova Mizorama pa chak ber pawh khawvela lo nei zau ber a ni hek lo Beidawnna in a hneh loh mihring te bawk hi a ni  ni leh ṭhin ni.

  Liandova kha alo fing mange, khatia Lêrsia an siâl a thlantîr dawn a, Lêrsia ṭhenawm pitar àn râwn chat mai kha a nachâng hi alo hria hi ka tia lawm.  Khatiang hun tepter inthlahna thilpêk dawn dâwnah phei chuan tihchi tak tur hi ani. Hun chu neih belh deuh phei se, amah Liandova ngêi khan a thlan hmain Lêrsia Se hung te kha va bêlchiangin ava tlawh rûk zeuh zeuh ka ring tlat.  Tikhan tu emaw upa leh fing zawk rawn lêm lo khân a sechal ki lian leh a bûkrit hmel deuh, a thau ṭha ber kha va pâwng thlan ringawt ta se, Lêrsia khan, "Ehe nang tlangvâltê chu i fel ná a, i va mawl rilru reuh ve le, lehkhabu akâwm landân aṭanga, a chhûngthu ngaihnawm leh ngaihnawm loh tur rêlthlu ringawt mi i ni maw" ati rilru neuh neuh lovang tih a sawi theih miahloh. Tin, ava râwn pitarte pawh kha fakawm ru deuh ani, ṭhenawmte thilṭha neih alo hre khiau tekha a fakawm tlat. Lersia ṭhenawm hnâidang leh a khawnbawl leh upa te pawn' a an hriatpui mangloh tur thil alo hrechat mai khan 'mi râw...