Mihring hi mak deuh mai chu, a tu ate pawh, a eng ang mi pawh hi, thing delh loh lung delhloh ta na na na phawt hi chuan, kan seilen rual hian thil tawn neuh neuh hi kan nei diat ṭheuh mai a.
Keini ai a ute'n, "In upa anga in hrethiam ve mai ang" antih ṭhin kha, ka naupan lungmawl inti fing in "Enge ka hriatthiamloh bik chhan tur? " ka ti rilru ṭhin a. Amaherawhchu, alo nilo, nun hi hrethiam tak tak tur chuan, hun kan lo mamawh hle tih ka hrethiam chho ṭan dêk dêk in ka hria.
Thil hrang hrang inkungkaih kual dan ngaihtuah nachângte kan hre ṭan a. Thil mak pui pui, kan hria in kan hmu chho a, sualna hi haider vek rual alo ni dêr lo.
Vawikhat damchhung chên tur hian, zirsân vak kher alo ngailo tih te. Tetlai a hmuhnawm thlir satliah a kan thlir te kha, hriatthiamna nen kan thlir ṭan a.
Hmanah kha chuan ngati nge, " In hrethiam lovang antih leh rikngawt ṭhin, sawifiah dan te a awmlo ami" tiin ka ngaihtuah ṭhin, " Ngati nge puitling te hi thil tam tak hrebik anga an nuih a, an lungngaih leh ṭhin ni?" tiin mak ka ti ṭhin. Tunah erawh a makloh zia ka hre chho ṭan e.
Eagles band hla lâr deuh "Welcome to the Hotel California" tih te kha, ngaihtuah chian hian alo puitling hla riau mai tih ka hrechhuak .
Mihring hi mak deuh mai chu thil tawng nual leh hriat nei ṭun ṭheuh si hi, ṭhenkhat chuan an zêp ral a, ṭhenkhat chuan an hrilh chhawng a. Hmangaihna nei tlem mi hi kan awm aniang chu ka ti ta mai.
Kei erawh thiltawnte mi hrilhchhawn nuam ti mi ka ni ani mahna le hei.
3rd September 2021
Comments
Post a Comment